Gjilan: Shoferit i merret patent shoferi, gjobitet me 500 euro si dhe i ndalohet vozitja për një vjet

Policia ka njoftuar se në rrugën Ferzaj- Gjilan një shofer është gjobitur, pasi ka vozitur me shpejtësi njëqind e njëzet e pesë (125) km/h në zonën ku kufizimi i shpejtësisë së lejuar është dyzet (40) km/h, shkruan “Kosova Sot Online”.

Policia ka gjobitur shoferin me 500 euro, si dhe i është konfiskuar patent shoferi.

Po ashtu, këtij kundërvajtësi po ashtu I është ndaluar vozitja për një vit si dhe ka marrur pikë negative.

Njoftimi i policisë:

Drejtoria Rajonale e Policisë Gjilan, Njësiti Rajonal i Komunikacionit Rrugor Gjilan me datën 15.01.2023 në kuadër të zbatimit të Planit Operativ ,,Siguria në trafikun rrugor’’ me qëllim të parandalimit të aksidenteve të trafikut e me theks të veçantë atyre me fatalitet, ka mbajtur pikë kontrolli të automjeteve në rrugën Gjilan-Ferizaj.

Në këtë pikë të kontrollit ka hasur në një kundërvajtës i në zonën ku kufizimi i shpejtësisë së lejuar është dyzet (40) km/h duke vozitur me shpejtësinë njëqind e njëzet e pesë (125) km/h.

Të njëjtit i është shqiptuar gjoba në vlerë prej pesëqind (500) eurove, konfiskuar patentë shoferi me masa e përkohshëm e ndalim vozitjes në afat prej një (1) viti dhe pesë (5) pikë negative.

Drejtoria Rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion të njoftojnë Stacionin më të afërm të Policisë, apo përmes aplikacionit digjital “Lajmëro Policinë’’, E-mail:[email protected] dhe numrat kundestarë:192; 0385045047001.

Të dhënat e juaja do të ruhen ne konfidencialitet të plotë

(Kosova Sot Online)