Vetëvendosje: Pagat s’janë fontanë dëshirash

  • A.P /
  • 01 February 2023 - 20:58
Vetëvendosje: Pagat s’janë fontanë dëshirash

Ndonëse vendimi është kritikuar dhe ka ngjallur pakënaqësi të shumta, Lëvizja Vetëvendosje e ka mbrojtur me fanatizëm vendimin e sotshëm të qeverisë së Kosovës për ta caktuar koeficientin e pagave të sektorit publik në vlerë 105 euro, transmeton gazeta “Kosova Sot Online”.

Mes përkrahësve të vendimit qeveritar, është edhe zyrtari i VV-së, Avni Zogiani i cili te ligji që s’i rrit pagat mjaftueshëm, ka gjetur ngushëllim te argumenti se pagat e sektorit publik janë rregulluar.

“Koeficienti i pagave ndryshon ne proporcion me rritjen ekonomike, por e rendesishme eshte qe sektori publik me ne fund është i rregulluar e pagat nuk janë fontanë dëshirash!  Mos harroni, këtu ka pasur individe qe e kane dyfishuar pagën e vet sapo kane hipur ne pushtet. Kjo s’mund te behet më!”, ka shkruar Zogiani. 

(Kosova Sot Online)