FSK përfundon me sukses ushtrimin e radhës
Oficerët tanë të rinj përfunduan me sukses të lartë ushtrimin fushor final të Kursit Bazik për Oficer, ka njoftuar ministri i mbrojtjes, Armend Mehaj, transmeton gazeta “Kosova Sot Online”.
Gjenerata e parë e Kursit Bazik për Oficer, ka përfunduar ushtrimin fushor të fundit, pas 4 muajve sfidues akademik në kursin përkatës, i cili realizohet në kuadër të Shkollës së Oficerëve.
Kursi Bazik për Oficer është i përbërë nga tri faza, ku kursantët u testuan në pjesën teorike dhe praktike në modulet e Operacioneve I dhe Operacioneve II.
Përkundër motit të ftohtë dhe sfidave të ndryshme në terren, kandidatët treguan përkushtim maksimal dhe rezultate të larta në ushtrim.
(Kosova Sot Online)
