Berisha: Objektivi ynë është vetëm Edi Rama

Në fund të fjalës së tij në takimin me deputetët e PD-së, krydemokrati Sali Berisha bëri thirrje për protestë masive më 3 mars.

Ai tha se kjo protestë nuk ka lidhje me gjykatën, por theksoi se objektivi i protestës është vetëm Edi Rama.

“Së fundmi, u bëj thirrje shqiptarëve të programojnë të gjithë axhendën me datën 3 mars, do të jenë në Tiranë në një protestë epike për nga përmasat.

Theksoj se protesta ka vetëm një objektiv: Edi Ramën, Edi Ramën, Edi Ramën.

Nuk ka të bëjë as me gjykatën, as me institucionet e tjera. Ne nuk bëjmë veprime në paragjykim.

PD e ka vendimin e gjykatës. Gjykimi është për të pranuar palë Alibashën. Nuk ka gjykatë, pse e bëri Blerina Muçi nën ndikimin e Edi Ramës dhe Yuri Kim, të tjerë nuk mund ta bëjnë një akt të tillë sepse përmbyset sistemi i drejtësisë nëse shpall palë atë që nuk ka qenë palë, ti hap rrugën e rrëzimit të çdo vendimi gjyqësor me urdhra politikë.

Objektivi ynë është Edi Rama, ky është një armik i egër që po bën gjithçka për të shpëtuar lëkurën e tij, pasi ka kryer vepra të tmerrshme, akte të pabesisë ekstreme ndaj SHBA, NATO-s, sigurisë së tyre, por edhe akte antikushtetuese ndaj demokracisë dhe pluralizmit në Shqipëri,” tha Berisha.

(Kosova Sot Online)