Kaili: E gjeta veten në burg, larg vajzës sime

Eurodeputetja greke, Eva Kaili u lirua nga burgu 4 muaj pas arrestimit, ndërsa akuzohet për skandalin e Katar Gate.

Kaili ka folur për “Vima” dhe bën një bilanc të periudhës më të vështirë të jetës së saj.

“Në dhjetor të vitit 2022, kur u informova nga mediat se në çfarë akuzash pretendohej se ishte i përfshirë partneri im dhe babai i vajzës sime, e gjithë ekzistenca ime u shemb, e gjithë bota u zhduk befas”, thotë ajo, transmeton gazeta "Kosova Sot Online".

“Më pas erdhi izolimi dhe refuzimi absolut nga të gjithë, kolegët e mi në Parlamentin Evropian, bota politike në vendin tim, miqtë, të njohurit. Ishte sikur nuk ekzistoja. E gjeta veten në burg, larg vajzës sime, vetëm me shpresën se kjo që po jetoj është një iluzion për shoqërinë. Unë flisja, bërtisja ‘jam e pafajshme’, por muret dhe hekurat nuk më dëgjojnë”, thekson ajo në “Vima”.

“Është e vërtetë, mund ta them, ka pasur momente që kam menduar t’i jap fund torturës së vetmisë shurdhuese. U tremba, nuk e bëra, mendimi i vajzës nuk më la”, pohon Kaili.

(Kosova Sot Online)