E rëndë: Burri qëllon gruan me sëpatë në kokë

Një ngjarje e rëndë ka ndodhur mbrëmjen e sotme në Vlorë, transmeton gazeta "Kosova Sot Online".

Burime nga policia thanë se, një burrë ka qëlluar me sëpatë gruan pas koke. Ngjarja e rëndë ka ndodhur në fshatin Breg Shkozë të Vorës.

Burri 72-vjeçar, Qazim Budlla, pas një zënke për motive të çastit ka qëlluar gruan e tij Vasilika Budlla, 69 vjeçe.

Gruaja mësohet se fatmirësisht është jashtë rrezikut për jetën, ndërsa është transportuar për ndihmë më të specializuar në Spitalin e Traumës.

72-vjeçari Budlla dyshohet se është me probleme të shëndetit mendor, ndërsa mësohet se edhe më herët e ka dhunuar gruan pasi kjo e fundit ka shenja të shumta në trup.

(Kosova Sot Online)