Në mungesë të kuorumit përfundon seanca e Kuvendit

Seanca e sotme e Kuvendit të Kosovës, në mungesë të kuorumit në vendimmarrje përfundoi, transmeton gazeta “Kosova Sot Online”.

Pas deklarimeve të opozitës se nuk do të marrin pjesë në asnjë votim në Kuvend, derisa nuk ka zhbllokim të mjeteve vetanake të komunave dhe në mungesë të numrave nga mazhoranca ishte i pamundur shqyrtimi i projektligjeve që kanë qenë në rend të ditës.

Kjo bëri që kryetari i Kuvendit, Glauk Konjufca të mbyllë seancën e sotme, derisa tha se për vazhdimin e saj deputetët do të njoftohen me kohë.

Sot, Kuvendi përveç deklarimeve jashtë rendit të ditës dhe pyetjeve parlamentare nuk shqyrtoi asnjë projektligj apo marrëveshje ndërkombëtare.

(Kosova Sot Online)