Ja pse OBSH mbylli zyrën në Moskë

Selia evropiane e OBSH-së ka vendosur që të mbyllë zyrën e saj në Moskë dhe të transferojë funksionet e saj në Danimarkë. Këtë e bëri të ditur vetë OBSH, transmeton gazeta “Kosova Sot Online”.

Vendimi, i marrë sot gjatë një seance virtuale, pason kërkesat e anëtarëve vitin e kaluar për të mbyllur zyrën për shkak të pushtimit rus të Ukrainës.

Seanca online u thirr pasi një grup prej 30 shtetesh anëtare kërkuan një takim të posaçëm në prill nëpërmjet një letre ku theksohej se “ndikimet e menjëhershme dhe afatgjata në shëndetin në Ukrainë dhe më gjerë” të shkaktuara nga pushtimi rus mbeten “një çështje mjaft shqetësuese”.

(Kosova Sot Online)