Kurti takohet me Ali Ahmetin, "Dënojmë aktin e rrëmbimit të tre zyrtarëve policorë të Kosovës"
Kryeministri i Kosovës, Albin Kurti, ka arritur në Forumin e Prespës, i cili mbahet në Strugë, ku edhe është takuar me kryetarin e BDI-së Ali Ahmeti, përcjell “Kosova Sot Online”.
Ahmeti tregon se me Kurtin ka diskutuar për situatën aktuale në raportet me Serbinë, ndërsa ka dënuar edhe aktin e rrëmbimit të tre zyrtarëve policorë të Kosovës nga ana e forcave special të Serbisë.
Ahmeti ka shkruar se Askush nuk mund të cënojë integritetin dhe sovranitetin territorial të Republikës së Kosovës që është i garantuar nga mbarë faktori ndërkombëtar.
“Biseduam rreth situatës aktuale në raportet me Serbinë, me ç’rast dënuam aktin e rrëmbimit të tre zyrtarëve policorë të Kosovës nga ana e forcave speciale serbe duke e cilësuar këtë si akt provokimi që duhet korrigjuar urgjentisht nga ana e Serbisë. Askush nuk mund të cënojë integritetin dhe sovranitetin territorial të Republikës së Kosovës që është i garantuar nga mbarë faktori ndërkombëtar”.
“Vazhdimi i dialogut me ndërmjetësimin e partnerëve tanë strategjik, Europës dhe SHBA-ve, është i domosdoshëm në frymën e njohjes së ndërsjelltë. Vendi ynë dhe Kosova do të qëndrojnë bashkë në horizontet e zhvillimit dhe integrimit, krahë njëra tjetrës vëllazërisht në të gjitha sfidat”. ka shkruar Ahmeti.
(Kosova Sot Online)