Vuçiq: E kam në plan ta ftojë Macronin për vizitë në Serbi
Presidenti i Serbisë Aleksandar Vuçiq i cili ndodhet në Paris ka folur për takimet që ka pasur atje. Ka njoftuar mediat se ka takuar kryeministrin belg ndërsa ka thënë se Presidentin e Francës Emmanuel Macron e ka takuar dy herë duke e paralajmëruar edhe një takim tjetër dypalësh me të, transmeton gazeta “Kosova Sot Online”.
Por, kur ka përmendur takimin me shefin e shtetit francez është ndalur pak duke e pyetur stafin e tij “ a e kam takimin në Pallatin Elysse”.
“Me Presidentin Macron, t’ju njoftoj, sonte kam takim në Pallatin Elysse… a është takimi në Pallatin Elysse, me siguri” ka thënë Vuçiq teksa e ka marrë konfirmimin pozitiv nga personeli i tij.
Tutje, ai ka thënë se do ta ftojë Macronin për vizitë në Serbi duke shpresuar se Presidenti francez do të shkojë në Beograd.
(Kosova Sot Online)
