Përfshihet nga flakët banesa në fshatin Derviçan

Një 55-vjeçar ka mbetur i lënduar, pasi banesa në të cilën banonte u përfshi nga flakët, përcjell “Kosova Sot Online”.

Rasti ka ndodhur në fshatin Derviçan.

Dyshohet se për shkak të shkëndijave nga një sobë me dru, ka rënë zjarr në banesën e personit në fjalë.

Ai po merr ndihmën mjekësore në spital dhe është jashtë rrezikut për jetën.

Ndërsa, rasti lidhur me këtë ngjarje është duke u hetuar.

Njoftimi i policisë:

Informacion paraprak

Në orët e para të mëngjesit të sotëm, në fshatin Derviçan, dyshohet se për shkak të shkëndijave nga një sobë me dru, ka rënë zjarr në banesën e shtetasit Dh. K., 55 vjeç. Nga flakët është dëmtuar lehtë shtetasi Dh. K., i cili po merr asistencë mjekësore në spital, dhe është jashtë rrezikut për jetën.

Grupi hetimor po punon për të dokumentuar ligjërisht shkakun e rënies së zjarrit.

(Kosova Sot Online)