Sveçla konfirmon se iu ndalua hyrja në Serbi “pa asnjë arsye”
Ministri i Punëve të Brendshme, Xhelal Sveçla ka konfirmuar se Serbia e ka refuzuar kërkesën e tij për ta vizituar Preshevën, Medvegjën e Bujanocin, “pa asnjë arsye”, përcjell “Kosova Sot Online”.
Sveçla ka shkruar në Facebook se “ky akt i Serbisë ndaj vizitës sime dëshmon qasjen destruktive dhe shtypjen e vazhdueshme të saj ndaj shqiptarëve të Luginës”.
Ai tregoi se më 29 dhjetor, Nevzad Lutfiu, kryetari i Këshillit Kombëtar Shqiptar e kishte ftuar për vizitë në Preshevë, Medvegjë dhe Bujanoc.
(Kosova Sot Online)