Rama prezanton planin për transformimin e sheshit “Xhorxh Bush”

Kryetari i Prishtinës, Përparim Rama, ka bërë prezantimin e projektit për transformimin e sheshit “Xhorxh Bush”, përcjell “Kosova Sot Online”.

Rama ka treguar se si sheshi i ri do të ndërlidhet sheshet e tjera, por edhe me pjesët e tjera të qytetit.

Rama ka thënë se sheshet do të jenë të qasshme, të sigurta për secilën moshë, prej fëmijëve tek të moshuarit.

“…është përplot jetë. Pra, ideja është që sheshet të jenë të qasshme, të sigurta për secilën moshë, prej fëmijëve tek të moshuarit. E poashtu në aspektin e funksionit, të ofrojnë mundësi për galeri, për artistë, për performance, për aspekte komerciale që e krijojnë një jetë të re, një Prishtinë të transformuar me elemente të ndryshme programore nëpër këtë zonë”, ka thënë Rama, para gazetarëve.

Rama ka treguar edhe ndryshimin që do të bëhet te Katedralja.

“P.sh,. Katedralja e cila për momentin është e rrethumë me një lloj muri, kemi propozuar dhe jemi marrë vesh që ajo pjesë të hapet, pra që të mos jetë e rrethuar”, deklaroi Rama.

(Kosova Sot Online)