Ramadani: KFOR-i nuk lejoi ministrin Elbert Krasniqin të hënën të hyjë në objektin e Komunës së Zveçanit.
Ish shefi i AKI’së, Burim Ramadani, ka thënë se KFOR’i të hënën nuk e ka lejuar ministrin Elbert Krasniqi të hyjë në objektin e komunës së Zveçanit, për ta takuar kryetarin Ilir Peci, përcjell “Kosova Sot Online”.
Ramadani ka shkruar se KFOR-i ktheu mbrapsht ministrin Elbert Krasniqi nga komuna e Zveçanit.
Ramadani, ka shkruar se KFOR nuk ka pasur të drejtë t’ia ndalojë hyrjen ministrit Krasniqi.
Postimi i plotë:
KFOR-i nuk lejoi ministrin Elbert Krasniqi të hyjë në objektin e Komunës së Zveçanit.
Ngjarja ka ndodhur këtë të hënë, më 29 janar 2024, në orët e pasdrekës derisa Ministri i Qeverisë së Kosovës shkoi për ta takuar Kryetarin e Komunës së Zveçanit.
KFOR-i ktheu mbrapsht ministrin Elbert Krasniqi nga komuna e Zveçanit, duke dhënë kështu një indikacion, për mua, shqetësues për fazën se si KFOR duket që ka vendosur të ushtrojë kompetencat e veta.
Në fakt, KFOR-i nuk ka pasur të drejtë t’i ndalojë hyrjen Ministrit Krasniqi, ndërsa kjo është një dëshmi fort e keqe për nivelin e raporteve midis Qeverisë së Kosovës dhe prezencën ndërkombëtare ushtarake.
(Kosova Sot Online)
