Aksident në afërsi të Bllacës, bllokohet rruga që vjen në drejtim të Kosovës dhe anasjelltas

Ministria e Punëve të Brendshme të Maqedonisë së Veriut ka njoftuar se sot në rrugën kryesore Shkup – vendkalimi kufitar Bllacë, ka ndodhur një aksident trafiku, përcjell “Kosova Sot Online”.

Një kamion i mbushur me rreth 25 tonë plastikë PVC është rrotulluar në rrugë, duke bllokuar dy shiritat dhe si rrjedhojë është ndërprerë qarkullimi në të dy drejtimet.

Nuk raportohet për të lënduar.

Ndërsa, komunikacioni do të jetë i ndërprerë në të dy drejtimet.

“Më datë 09.03.2024 në ora 06:50 në rrugën kryesore Shkup – vendkalimi kufitar Bllacë, ka ndodhur një aksident trafiku në të cilin TMV MAN ka humbur kontrollin dhe është përmbysur në rrugë, duke i zënë të dy shiritat, nuk ka të lënduar. Policia është njoftuar për vendkalimin kufitar Bllacë dhe komunikacioni do të jetë i ndërprerë në të dy drejtimet. Nga kamioni me rreth 25 tonë plastikë PVC po shkarkohet në vend malli, i pranishëm është edhe shërbimi doganor”, thuhet në njoftim.

(Kosova Sot Online)