Armend Zemaj: Partneriteti i Kosovës me Amerikën është në fazë kritike
Deputeti i LDK-së, Armend Zemaj, deklaroi se partneriteti i Kosovës me Amerikën është në fazë kritike të saj, përcjell “Kosova Sot Online”.
Sipas Zemajt, kjo më së miri përshkruhet kur nuk ka komunikim të mirëfilltë dhe dakordimi i Qeverisë me aleatët e saj.
“Kjo tregon që dialogu ose partneriteti është në atë limitin, që ne e quajmë fazë kritike të saj. Limiti i bashkëpunimit theksohet kur s’ka komunikim të mirëfilltë dhe kur s’ka dakordim për veprimet të cilat i ndërmerr Qeveria e Kosovës, jo në aspektin ligjor dhe kushtetues, por të hapave për ta shtrirë ligjshmërinë dhe kushtetutshmërinë në një pjesë të Kosovës, ku ka qenë problematike që nga paslufta, e sidomos viteve të fundit. Për këtë arsye, jo vetëm që po marrim kritika, por ne edhe jemi sanksionuar”, potencoi Zemaj.
(Kosova Sot Online)