Policia jep detaje për aksidentin në Prishtinë, ku vdiq një person e u lënduan 14 të tjerë

Policia e Kosovës ka dhënë detaje lidhur me aksidentin që ndodhi gjatë dfitës së djeshme në mes një veture dhe një autobusi në Prishtinë, ku si pasojë vdiq një person dhe u lënduan 14 të tjerë, përcjell “Kosova Sot Online”.

Policia ka bërë me dije se personi që ka vdekur është vozitësi i veturës.

Të lënduarit kanë pranuar tretman mjekësor dhe më pas janë liruar në shtëpi.

“ AKSIDENT TRAFIKU ME FATALITET – Prishtinë 27.06.2024, 14:30. Është raportuar se ka ndodhur aksident trafiku në mes një veture me vozitës mashkull kosovar dhe një autobusi. Si pasojë përveç dëmeve materiale lëndime trupore kanë pësuar disa persona /pasagjerë dhe vozitësi i veturës i cili nga plagët e rënda ka ndërruar jetë. Të lënduarit kanë pranuar tretman mjekësor dhe më pas janë liruar në shtëpi, ndërsa me vendim të prokurorit trupi i pajetë është dërguar në IML për obduksion”?, thuhet në raport.

(Kosova Sot Online)