Kërcënojnë gjyqtarët: Nuk punojmë pa i çelur dritaret
Pallati i Drejtësisë i ndërtuar para pak kohe në Prishtinë, ishte paraparë nga arkitektët të mos ketë fare dritare.
Por kjo gjë si duket nuk u ka shkuar siç e kanë planifikuar, pasi punonjësve në Pallat po u ‘zihet fryma’.
Kryetari i Gjykatës Themelore të Prishtinës, Hamdi Ibrahimi, ka paralajmëruar bojkotim të punës në Pallatin e Drejtësisë, nëse deri javën e ardhshme nuk nisin procedurat për hapjen e dritareve.
“Ne nuk do të punojmë nga java e ardhshme nëse nuk hapen dritaren. Ne nuk guxojmë që ta rrezikojmë jetën e stafit. Sot kam komunikuar me gjyqtarët dhe të gjithë janë të mendimit për bojkotim të punës”, ka thënë Ibrahimi për Insajderi.com.
Ibrahimi këtë deklaratë e ka dhënë pas raportimeve të Insajderit se sipas një raporti niveli i oksigjenit është 11 herë nën nivelin e lejuar është shqetësues.
(Kosova Sot)