Abdixhiku: S’ka asgjë që e ndalë LDK-në

Kandidati për kryeministër nga Lidhja Demokratike e Kosovës, Lumir Abdixhiku, ka thënë se kanë pritur gjatë për këtë ditë, për rikthimin e madh të LDK-së, transmeton gazeta “Kosova Sot Online”.

Sipas tij, ky rikthim tashmë po ndodhë dhe s’ka asgjë që e ndalë.

“Po ndodhë, në një moment kritik për vendin. Për familjet tuaja, për rininë tonë, për qytetarët tanë. Jemi në një momentum të shkëlqyeshëm politik. Këtë e vërejmë në takime me ju. E kemi të qartë thirrjen tuaj. E kemi të qartë dhe nevojën e madhe të vendit për ndryshim rrënjësor, në mënyrën se si bëjmë politikë, në mënyrën se si zhvillojmë projekte, në mënyrën se si kujdesemi për njerëzit tanë, e mbi të gjitha, në drejtimin e vendit drejt rrugëtimit tonë identitar, drejt familjes euroatlantike. Aty është destinacioni jonë”, tha Abdixhiku gjatë tubimit në Istog.

Por se cili do të jetë rezultati i LDK-së në zgjedhjet e 9 shkurtit mbetet për tu parë.

(Kosova Sot Online)