Vazhdojnë protestat në Serbi

Studentët, çiklistët dhe fermerët kanë bllokuar një urë kryesore në kryeqytetin e Serbisë, Beograd, të dielën për të protestuar ndaj mosveprimit të qeverisë, transmeton gazeta “Kosova Sot Online”.

Studentët e universitetit po udhëheqin demonstratat kundër korrupsioni që shpërthyen pasi një strehë betoni është shembur në stacionin qendror të trenit në Novi Sad më 1 nëntor.

Pesëmbëdhjetë persona u vranë dhe dy u plagosën rëndë si pasojë e shembjes, raporton AP.

Protestat kanë nxitur turma të mëdha që kërkojnë drejtësi për tragjedinë e Novi Sadit, për të cilën kritikët fajësojnë punën e ngadaltë të rinovimit të stacionit të trenit, si pasojë e korrupsionit qeveritar.

Protestat e përditshme në të gjithë Serbinë përbëjnë një sfidë të madhe për presidentin serb, Aleksandër Vuçiq.

Lëvizja e udhëhequr nga studentët ka shtyrë tashmë në dorëheqjen e kryeministrit Millosh Vuceviq, aleat i Vuçiqit.

(Kosova Sot Online)