Front i bashkuar për Ukrainën: Lituania, Polonia dhe Rumania mbështesin anëtarësimin në NATO

Pas një samiti të mbajtur në Vilnius, ku morën pjesë liderët e vendeve anëtare lindore dhe nordike të NATO-s dhe presidenti ukrainas Volodymyr Zelensky, është publikuar një deklaratë e përbashkët nga presidentët e Lituanisë, Polonisë dhe Rumanisë, transmeton gazeta “Kosova Sot Online”.

Sipas BBC-së, deklarata rithekson dënimin e tyre për pushtimin rus të Ukrainës dhe shpreh mbështetje të palëkundur për rrugën e Ukrainës drejt integrimit euroatlantik, përfshirë anëtarësimin në NATO.

“Qëndrojmë të palëkundur ndaj vendimeve dhe angazhimeve të aleatëve lidhur me rrugën e pakthyeshme të Ukrainës drejt integrimit të plotë euroatlantik, përfshirë anëtarësimin në NATO,” thuhet në deklaratë.

Më tej theksohet se: “Ukraina ka të drejtën të zgjedhë vetë marrëveshjet e saj të sigurisë dhe të vendosë për të ardhmen e saj, pa ndërhyrje të jashtme.”

(Kosova Sot Online)