Ja kur pritet të përmbyllet procesi i rinumërimit

Zëdhënësi i KQZ’së, Valmir Elezi, ka thënë që procesi i rinumërimit pritet të përmbyllet këtë të premte, transmeton gazeta "Kosova Sot Online".

Ai tha se deri të enjten në ora 10:00 janë rinumëruar rreth 88 për qind e vendvotimeve.

“Nga fillimi i këtij procesi (e martë, 13 janar 2026, ora 18:00) dhe deri më tani (e enjte, 29 janar 2026, ora 10:00) janë rinumëruar rreth 88% apo 2,245 nga 2,557 vendvotime. Pra, numri i përgjithshëm i komunave që deri më tani kanë përmbyllur rinumërimin janë 34, ndërkaq kanë mbetur për t’u rinumëruar edhe 312 vendvotime që i takojnë 4 komuave të fundit nga ky proces”, tha Elezi.

(Kosova Sot Online)