A po i vjedh Serbia paratë e Kosovës për Luginën e Preshevës?
Fondi i Republikës së Kosovës për Luginën e Preshevës është në bllokadë. Mjetet nuk po arrijnë në xhirollogarinë e Këshillit Kombëtar Shqiptar.
Ato sipas përfaqësuesve shqiptarë po bllokohen nga autoritetet serbe. Qeveria e Kosovës thonë se do të bëjnë gjithçka për të përfituar shqiptarët që jetojnë në Serbi.
Për herë të dytë, ndihmat arritën në Luginën e Preshevës.
Por, sërish shqiptarëve të Preshevës, Bujanocit dhe Medvegjës nuk iu ekzekutuan miliona euro të përfituara nga Qeveria e Kosovës.
Ato sipas përfaqësuesve shqiptarë po bllokohen nga autoritetet serbe.
Madje kryetarja e Komunës së Preshevës, Ardita Sinani, për Tëvë1 thotë se nuk po tregojnë as arsyet për këtë bllokade.
E para e Preshevës thotë se alarmin e kanë ngritur edhe tek faktori ndërkombëtar.
Si të papranueshëm këtë bllokadë e shohin edhe ekzekutivi.
Madje, këshilltari politik për Luginë, Ragmi Mustafi, thotë se do provojnë prapë dërgimin e mjeteve për të gjithë kategoritë.
Fondi i Qeverisë së Kosovës përfshinë ndihma për shqiptarët në fushën e arsimit, bujqit dhe organizatat joqeveritare.
Por, këto mjete nuk po arrijnë në xhirollogarinë e Këshillit Kombëtar Shqiptar.
(Kosova Sot Online)
