Njihuni me parashikimin e motit për sot

E enjtja në Kosovë pritet të sjellë mot kryesisht të kthjellët, me periudha të shkurtra vranësirash të lehta. Atmosfera do të jetë e qetë dhe e qëndrueshme, ndërsa mundësia për reshje mbetet shumë e ulët, pa ndonjë ndikim të rëndësishëm në aktivitetet ditore.

Temperaturat do të shënojnë luhatje, me minimale rreth 20°C në orët e para të ditës dhe maksimale deri në 27°C gjatë pasdites.

Gjatë orëve të mesditës, indeksi UV pritet të jetë i lartë, ndaj këshillohet shmangia e ekspozimit të gjatë në diell dhe përdorimi i masave mbrojtëse.

(Kosova Sot Online)