Jo bisedime dhe as minishengen me krimin dhe genocidistët serbë
Skender Kapiti
Është e turpshme, anticivilizuese, e papranueshme dhe sidomos antikombëtare që për interesa pushteti të ulesh e të bësh marrëveshje me krimin , me kriminelët dhe me genocidistët serbë të cilët kanë ushtruar genocid kundër bashkëkombasve të tu, Z. Kryeministër i Shqipërisë, Edi Rama.
Pra, është e vërtetë ajo të cilën unë e kam konstatuar gjithmonë se në Shqipëri politika e Tiranës por jo vetëm ajo, shqiptarët e Kosovës i kanë parë me syrin e njerkës dhe si kosovarë, ndërsa shqiptarët e Kosovës Shqipërinë e kanë respektuar si nënë dhe shqiptarët e Shqipërisë si vëllezër.
Si është e mundur ky vëllazërim kaq i madh i kryeministrit të Shqipërisë Edi Rama me Presidentin serb , Aleksandër Vuçiç, kur ky i fundit ka qenë ministër i propagandës kriminale, genocidiste dhe antishqiptare të Millosheviçit ?
Si është e mundur që kryeministri shqiptar më shumë interesohet për marrëdhëniet Shqipëri-Serbi se sa per ato Shqipëri-Kosovë? Si është e mundur që kryeministri i Shqipëisë të angazhohet me kaq zell për minishengenin antishqiptar të neojugosllavisë dhe të bisedojë e të dakordësohet me Presidentin aktual serb për gjithçka pa marrë në konsideratë dhe pa u konsultuar me Kosovën e të veprohet kundër saj, kur dhe aktualisht sot , presidenti actual serb, jo vetëm se nuk kërkon falje por as nuk njeh dhe i mohon krimet dhe genocidin serb, dhe madje edhe guxon e sfidon edhe SHBA dhe NATO-n duke i akuzuar ato për krim mbi Serbinë pse ato çliruan gjysmën e kombit shqiptar dhe Kosovën shqiptare??!!
Por edhe si është i mundur edhe mosreagimi qytetar në Shqipëri kundër këtij antikosovarizmi të qeverisë dhe të kryeministrit të saj!?
(Kosova Sot Online)