Lexoni edhe:
Ambasada gjermane e ndryshon aplikimin për termin dhe vizë
Shkruan:ANALISTI- Hajrullah Tërnava
Situata e krijuar tani në këto rrethana kur Rusia bëri invazion ndaj Ukrainës, tani po ia imponon BE që ti ristrukturoj shtetet e saja që ishin të lëna anash me vite të tëra, me kritere të forta që duheshin ti plotësonin si kusht për anëtarësimin në BE. Tani kjo luftë na e ka imponuar dhe bërë për të kuptuar se vetëm kur shtetet janë të strukturuara në një aleancë së bashku, sikur që është NATO si dhe në BE, ato mundë të sigurohen, zhvillohen dhe mbrohen me një ombrellë të përbashkët mbrojtëse.
Ambasada gjermane e ndryshon aplikimin për termin dhe vizëLexoni edhe:
Tani është shansi dhe mundësia e përshpejtimit që të përfshihen së bashku në BE shtetet e Ballkanit, ku bënë pjesë edhe Kosova , dhe sa më parë me iniciativën e BE-së, të anëtarësohen si shtete anëtare në BE, dhe në aleancën e NATO-s, sepse vetëm kështu janë më të forta dhe i kontribuojnë s’bashku BE-së, si në standarde jetësore apo edhe në mbrojtjen e këtij kontinenti, nëse sulmohet nga shtete tjera që si përkasin BE-së. Pikërisht tani ka gjasa, dha është e domosdoshme të ndryshon politika e zgjerimit të BE-së edhe me integrimin e vendeve të rajonit të Ballkanit, pas lëvizjes së parë që u bë nga Komisioni Evropian i cili dhe rekomandim pozitiv për Ukrainën dhe Moldavinë, për statusin e kandidatit duke tejkaluar qasjen e deritashme të ngurtë dhe shumë të burokratizuar. Pas këtij vendimi kanë ardhur edhe reagimet e para që kërkojnë dhënien e dritës së gjelbër për liberalizimin e vizave për Kosovën dhe shkurtimin e agjendës integruese për Bosnjën, Shqipërinë dhe Maqedoninë. Një reagim i tillë i shpejtë erdhi nga Ministrja austriake për Evropën, Karoline Edtstadler, e cila ka thënë se pas dhënies së mendimit nga Komisioni Evropian për statusin e vendit kandidat për Ukrainën dhe Moldavinë, Bashkimi Evropian s’duhet të përdorë standarde të dyfishta karshi vendeve të Ballkanit Perëndimor por ta përdorë modelin e njëjtë të vendosjes edhe për këto vende. Në këtë drejtim, ajo thotë se kjo kërkon që t’i liberalizohen vizat Kosovës, t’i jepet statusi i vendit kandidat Bosnje e Hercegovinës dhe të hapen negociatat për Shqipërinë dhe Maqedoninë e Veriut. Prandaj vlerësimet janë se është tash moment i duhur që duke shfrytëzuar “lëvizjen e gurit” nga Komisioni Evropian për Ukrainën, vendet e Ballkanit perëndimor të koordinohen në aspektin politik dhe diplomatik si një bllok për ta drejtuar presionin drejtë BE-së që në funksion të frenimit të depërtimit të ndikimit rus, ta liberalizojnë qasjen politike ndaj zgjerimit dhe integrimit të tyre në familjen evropiane, për të gjitha shtetet që deri më tani nuk ishin anëtare të BE-së.
Shkrimet në këtë rubrikë nuk shprehin qëndrimet e gazetës "Kosova Sot Online".