Avokado mban kolesterolin nën kontroll

  • E.K /
  • 04 janar 2021 - 11:50
Avokado mban kolesterolin nën kontroll

Një avokado në ditë sipas shkencëtarëve ndihmon në përmirësimin e nivelit ë kolesterolit të keq. Avokado po ashtu përmirëson yndyrën në gjak, që ndërlidhet me sulmin në zemër, madje edhe te personat që vuajnë nga mbipesha. Hulumtuesit pohojnë se një avokado në ditë mund të zëvendësojë yndyrat e dëmshme me një dietë me version të shëndetshëm. Liderja e studimeve, Penny Kris-Etherton, thotë: 'Në Shtetet e Bashkuara avokadot nuk janë ushqim i shpeshtë dhe mund të jenë të shtrenjta për nga çmimi. Po ashtu, shumica e njerëzve nuk e dinë se sa e shëndetshme është".

Avokadot po ashtu mund të konsumohen me sallatë, perime, sandviç. Në studim kishin marrë pjesë 45 pacientë të shëndetshëm, që vuanin nga mbipesha, midis moshës 21 dhe 70 vjeç. Ata kishin aplikuar një dietë për uljen e kolesterolit. Për studim ata kishin përdorur nga një avokado. Pjesëmarrësit gjatë aplikimit të kësaj diete, duke konsumuar një avokado për çdo ditë, kishin pësuar rënie të kolesterolit për 10 për qind, brenda pesë javëve. Këto zbulime ishin publikuar në revistën "Journal of the American Heart Association".

(Kosova Sot Online)