Ushqime të lehta për diabetikët që duan të frenojnë urinë

  • A.P /
  • 15 janar 2021 - 15:15
Ushqime të lehta për diabetikët që duan të frenojnë urinë

Edhe pse nuk ka shërim për diabetin, ajo mund të kontrollohet. Një plan i mirë diete, i pasur me lëndë ushqyese dhe me pak yndyrë dhe kalori, është i rëndësishëm për të kontrolluar nivelet e sheqerit në gjak dhe për të menaxhuar diabetin. Vaktet e vogla herë pas here mund t’i ndihmojë njerëzit me diabet të parandalojnë që niveli i sheqerit në gjak të rritet shumë ose të ulet shumë, por sigurohuni që të zgjidhni ushqime që janë të mbushura me lëndë ushqyese e më pak karbohidrate dhe kalori. Gjithashtu konsumojini  në mënyrë të moderuar për të shmangur shtimin në peshë.

Pesha shtesë mund ta bëjë edhe më të vështirë kontrollimin e niveleve të sheqerit në gjak dhe rrezikun të përparimit të diabetit. Më poshtë janë listuar 4 ushqime të shijshëm miqësorë për diabetin që mund t’ju ndihmojnë të hiqni urinë si dhe të mbani nivelin e glukozës në gjak të qëndrueshëm.

Kos: Nëse ndiheni të uritur midis vakteve, konsumoni  1 filxhan kos të thjeshtë . Kosi ka pak karbohidrate dhe përmban shumë pak kalori. Është e mbushur me proteina dhe përmban lëndë të tjera ushqyese si kalcium, vitamina B, acid folik, kalium, fosfor dhe zink. Mbi kosin vendoseni sipër luleshtrydhe, manaferra, boronica, rrush të thatë ose disa arra.

Selino: Kjo perime e nënvlerësuar është një nga ushqimet më të mira që diabetikët mund të shijojnë në çdo kohë. Selino është tepër e ulët në kalori, karbohidrate, yndyrë, kolesterol, dhe ka përmbajtje të lartë të fibrave dhe ujit. Për më tepër, ai përmban lëndë ushqyese si vitamina, kalcium, magnez, fosfor, folat dhe kalium. Zhyteni në gjalpë kikiriku ose gjizë për të frenuar urinë gjatë ditës.

Molla: E ulët në kalori dhe e pasur me fibra të tretshme, një mollë mund t’ju ëmbajë të ngopur për një kohë të gjatë. Plus, ju merrni përfitimin e vitaminës C, fitonutrientëve, hekurit, kaliumit, fosforit dhe kalciumit të pranishëm në fruta. Një mollë mund të jetë ushqimi juaj i shëndetshëm për të hequr urinë.

Kokoshkat: Nëse keni diabet, kokoshkat  janë një mundësi e shkëlqyeshme që ju të ndiheni të ngopur pa shtuar kalori shtesë. Kokoshkat me ajër kanë një indeks glicemik shumë të ulët, do të thotë se lëshon glukozë në gjak ngadalë. Për më tepër, kokoshkat e mbushura janë të pasura me fibra dhe përmbajnë disa vitamina dhe minerale. 

(Kosova Sot Online)