Sëmundjet që ju bëjnë të keni ftohtë

  • E.K /
  • 21 January 2021 - 08:38
Sëmundjet që ju bëjnë të keni ftohtë

Gjatë stinës së dimrit, organizmi dhe zemra punojnë më shumë për të përballuar të ftohtin.

Kjo gjë mund të jetë e rrezikshme për të moshuarit por edhe për të sëmurët kronikë. Nëse qëndroni gjatë në të ftohtë, temperatura trupore mund të bjerë nën 35 gradë celsius dhe me kalimin e kohës organizmi nuk punon siç duhet duke rrezikuar shëndetin. Shkaqet se përse keni ftohtë gjithmonë:

Hipotiroidizimi

Hipotirodizimi ndodh kur gjendra tiroide nuk prodhon mjaftueshëm hormone. Këto hormone janë të rëndësishme në rregullimin e metabolizmit dhe të temperaturës së trupit.

Anemia

Anemia ndodh kur një person ka më shumë rruaza të kuqe që qarkullojnë në organizëm duke shpërndarë kështu oksigjenin. Simptomat e kësaj sëmundjeje përfshijnë ndjesinë e të ftohtit që vjen pikërisht nga kjo mungesë e oksigjenit. Simptoma të tjera mund të jenë, këmbë dhe duar të ftohta, lodhje, plogështi, vështirësi në frymëmarrje dhe rrahje të çrregullta të zemrës. Disa nga llojet e anemisë që shkaktojnë edhe ndjesinë e të ftohtit janë: Anemia nga mungesa e hekurit është më e përhapura ndër tyre. Kjo ndodh kur qelizat nuk arrijnë të përthithin mirë hekurin në gjak.

Anoreksia Nervoze

Anoreksia nervoze është një çrregullim në mënyrën e të ushqyerit e cila karakterizohet nga imazhi që ka personi me trupin e tij por lidhet edhe me reagimin mendor dhe emocional ndaj shtimit në peshë. Anoreksia mund të shkaktojë ndjesinë e të ftohurës si pasojë e nivelit të ulët të dhjamit në trup.

Sëmundjet e arterieve periferike

Kjo sëmundje ndodh kur disa pllaka formohen në arteriet që qarkullojnë gjakun në organizëm. Grumbullimi i këtyre pllakave nëpër arterie bën që enët e gjakut të ngushtohen që do të thotë se gjaku nuk arrin të përçohet ashtu siç duhet. Zakonisht kjo reflektohet tek ekstremet e organizmit, pra tek gjymtyrët, duke krijuar ndjesinë e të ftohurit dhe të mpirjes të duarve apo këmbëve. Shpesh kjo sëmundje kërkon një trajtim intensiv që lidhet me ushqyerjen dhe aktivitetin fizik.

Përse femrat kanë më shumë ftohtë sesa meshkujt?

Femrat preferojnë temperaturën 25 gradë Celsius, ndërsa meshkujt ndihen shumë mirë në një ambient në 22 gradë. Kjo lidhet me faktin se femrat kanë një metabolizëm më të ngadaltë sesa meshkujt, kështu që nuk prodhojnë më pak energji sesa meshkujt.

(Kosova Sot Online)