Nëse keni këto 5 shenja po përjetoni stres pa e kuptuar

Stresi i punës, përgjegjësitë e familjes, presioni i studimeve, zgjedhjet e karrierës etj ju bëjnë të stresoheni. Sidoqoftë, herë pas herë, stresi nuk është i dëmshëm për trupin përsa kohë nuk ndikon në shëndetin tuaj. Stresi në nivele të larta bën që të kaloni në depresion por gjithashtu dhe në probleme të tjera. Prandaj është e nevojshme të dini t’i “lexoni” shenjat që trupi iu jep kur përjetoni stres.

Luhatja e peshës

Më parë pesha juaj ka qenë konstante, tani gradualisht po luhatet shumë. Kjo tregon se trupi është nën stres. Kur stresoheni, ka një çlirim të hormonit të kortizolit, i cili ndikon në metabolizëm dhe për pasojë në peshë.

Mungesa e përqendrimit

Nëse e keni të vështirë të përqendroheni në punë, gjë që nuk ndodhte më herët, atëherë kjo tregon se jeni nën stres. Stresi rrit tensionin nervor në trupin tuaj dhe nuk jeni në gjendje të punoni me përqendrim.

Rënia e flokëve

Sipas studimeve, shumë stres në trup, çon në rënie të flokëve. Nëse vëreni rënie të flokëve edhe nëse ndjekni një dietë të duhur, atëherë është e qartë se trupi po kalon stres.

Probleme me gjumin

Studimet thonë se stresi i tepërt shqetëson gjumin e përditshëm të një individi. Nëse nuk jeni në gjendje të flini siç duhet natën për një kohë të gjatë, kjo tregon se jeni të stresuar. Pagjumësia është një nga shenjat më të larta të stresit.

Dhimbje e shpeshtë koke

Një dhimbje koke mund të jetë për shkak të shumë arsyeve të cilave njerëzit shpesh nuk u kushtojnë shumë vëmendje. Në këtë rast, nuk arrini të kuptoni nëse një dhimbje koke është normale apo trupi është shumë i stresuar. Sidoqoftë, studimet tregojnë se stresi emocional dhe fizik mund të jenë shkaqet e mundshme të një dhimbje koke të shpeshtë.

(Kosova Sot Online)