Përfitimet e jashtëzakonshme që mund të merrni, nëse konsumoni çdo ditë gjizë

  • G.G /
  • 23 prill 2021 - 09:59
Përfitimet e jashtëzakonshme që mund të merrni, nëse konsumoni çdo ditë gjizë

Gjiza është një produkt shumë i shëndetshëm. Përveçse i bën kockat e forta, ajo sjell dhe një sërë përfitimesh në trupin tuaj nëse e konsumoni çdo ditë.

1. Përshpejton metabolizmin

Vitaminat B, të cilat mund të gjenden në gjizë në sasi të mëdha, normalizojnë metabolizmin. Vitamina B12 rrit efektivitetin e trurit dhe ndihmon trupin të tresë më mirë hekurin. Riboflavina shndërron karbohidratet në energji dhe acidi pantotenik përmirëson metabolizmin e proteinave, yndyrnave, karbohidrateve dhe aminoacideve në trup.

2. Muskujt tuaj do të marrin formë

Gjiza përmban një proteinë të quajtur kazeinë që tretet ngadalë dhe ndihmon në rritjen e masës muskulore. Kjo është arsyeja pse shumë atletë hanë gjizë para se të flenë: aminoacidet futen në gjak dhe muskujt marrin një sasi të shëndetshme lëndësh ushqyese prej tij. Përveç kësaj, gjiza ju bën të ndiheni të ngopur dhe të energjizuar për një kohë të gjatë, informon abcnews.al.

3. Do të humbisni më lehtë peshë

Në një studim të vitit 2015 u zbulua se gjiza mund t’ju ndihmojë të humbni peshë, edhe nëse nuk bëni rregullisht stërvitje të vështira.  Pra, nëse ëndërroni të humbni peshë dhe nuk keni kohë të mjaftueshme për palestër, thjesht shtoni gjizë në dietën tuaj.

4. Shëndeti riprodhues i femrave do të përmirësohet

Produktet e qumështit, veçanërisht gjiza, janë të pasura me proteina, kalcium dhe vitaminë D. Të hash gjizë rregullisht është e shkëlqyer për shëndetin e femrave pasi ndihmon në stabilizimin e menstruacioneve dhe mban të balancuara hormonet. Ngrënia e djathit të gjizës rregullisht gjithashtu mund të zvogëlojë rrezikun e prekjes nga kanceri i gjirit, informon abcnews.al.

5. Kockat tuaja do të jenë më të forta

Gjiza përmban 28% të sasisë së rekomanduar ditore të kalciumit. Ajo gjithashtu ka një ndikim pozitiv në metabolizmin dhe trashësinë e indeve të eshtrave. Ju mund të merrni efektin maksimal të kalciumit nëse filloni të hani produkte qumështi që në fëmijëri. Ngrënia e ushqimeve të pasura me kalcium gjatë shtatzënësisë zvogëlon rrezikun e zhvillimit të osteoporozës dhe stabilizon sistemin nervor.

6. Nivelet e sheqerit në gjak do të jenë të qëndrueshme

Gjiza përmban magnez që i mban nivelet normale të sheqerit në gjak. Është shumë e dobishme për njerëzit që kanë diabet tip II, sepse ndihmon trupin të luftojë sëmundjen dhe minimizon ndikimin e saj, informon abcnews.al.

7. Sistemi juaj kardiovaskular do të përmirësohet

Përveç normalizimit të niveleve të sheqerit në gjak, magnezi në gjizë ka një ndikim pozitiv në sistemin kardiovaskular. Mban nën kontroll presionin arterial dhe parandalon shfaqjen e mpiksjeve të gjakut.

8. Rrezik më i ulët i goditjeve në tru

Përveç ushqyesve të tjerë, gjiza përmban kalium. Kjo mbështet ekuilibrin e ujit në trup, zvogëlon ankthin dhe merr pjesë në përhapjen e impulseve nervore. Ngrënia e rregullt e kaliumit, ul presionin arterial dhe, si rezultat, rrezikun e goditjes në tru.

(Kosova Sot Online)