6 burimet e proteinave për vegjetarianët

Proteinat janë blloku i ndërtimit të jetës. Pos se ndërtojnë indet e trupit, punojnë edhe s derivat për zhvillimin si duhet të trupit. Kur të treten, proteinat shndërrohen në aminoacide. Burimet kryesore të proteinave përfshijnë mishin, peshkun dhe vezët. Kjo nuk do të thotë se vegjetarianët nuk mund t'i takojnë nevojat e tyre për proteina. Pothuajse shumica e ushqimeve përmbajnë proteina. Përderisa mund të jetë e vështirë të merrni dozën e nevojshme ditore nga vetëm një burim, përfshirë disa prodhime që nuk janë të kafshëve, në vijim ju paraqesim disa ushqime, për vegjetarianët, që do t'i furnizojnë me sasi të mjaftueshme të proteinave.

JOGURTI GREK

Jogurti grek është një burim i jashtëzakonshëm për proteina. Një gotë e zakonshme me jogurt grek përmban nga 15 deri 20 gramë proteina, që është shumë më e lartë se jogurti i zakonshëm, që përmban 9 gramë. Ky ushqim probiotik përmban po ashtu kalcium dhe shumë minerale e vitamina. Mund ta përzieni me fruta të freskët, arra apo mjaltë.

Lexoni edhe:

Si të pastroni mushkëritë për tri ditë?

FASULET

Fasulet e veshkave janë një burim i shkëlqyeshëm për proteina. Një gotë e zier e këtij lloji të fasules ofron gramë proteina. Përmbajnë të gjitha aminoacidet. Pos proteinave, përmbajnë edhe shumë fibra, hekur, folate, magnez, kalium, zink e vitamina K dhe B6. Po ashtu përmbajnë pak yndyrë dhe kolesterol. Këto fasule duhet të qëndrojnë në ujë për një periudhë të gjatë kohore. Mund t'i përdorni në supë, sallatë.

FARAT ÇIA

Kur flitet për proteinat për vegjetarianët, farat çia janë opsion i mirë. Dy lugë të këtij super ushqimi ofrojnë 9.4 gramë proteina. Këto fara po ashtu janë bima që ofron më së shumti aminoacidet omega 3. Po ashtu janë të pasura me fibra, hekur, kalcium, zink, mangan, magnez dhe fosfor. Pos se janë të pasura me proteina, ndihmojnë në përmirësimin e sistemit digjestiv, trajtojnë aneminë, rregullojnë sheqerin në gjak.

QUMËSHTI I SOJËS

Qumështi i sojës është një alternativë e mirë për vegjetarianët dhe njerëzit që nuk janë tolerantë ndaj laktozës. Janë përplot me proteina, epo ashtu përmbajnë edhe vitaminat A, B12 dhe D. Vetëm një gotë me qumësht soje përmban rreth 8 gramë me proteina. Shumë lehtë mund ta gjeni qumështin e sojës, apo edhe mund ta përgatisni vetë në shtëpi. Qumështi i sojës në Azi përdoret në kuzhinën tradicionale, duke përgatitur edhe jogurt nga soja, krem nga soja, kefir si dhe djathë në bazë të sojës. Qumështi i sojës është i mirë për shëndetin kardiovaskular dhe shëndetin e eshtrave. Madje mundet ta reduktojë rrezikun për diabet, tipi 2.

BIZELET E GJELBRA

Bizelet e gjelbra, apo thjeshtë bizelet, janë një ndër burimet më të mira për proteinat që vijnë nga perimet. Përmbajnë po ashtu edhe fibra, kalium, magnez, hekur, zink, folate dhe vitaminat B, C, A dhe K. Për më shumë, ato posedojnë shumë pak kalori. Një gotë me bizele të ziera ofron nga 8 deri në 10 gramë me proteina. Mund të kënaqeni me bizelet e freskëta apo me ato në formë të ngrirë. Po ashtu mund t'i shtoni në supë dhe sallata. Ndihmojnë edhe në uljen e rrezikut nga sëmundjet e zemrës, artritit dhe diabetit, tipi 2.

GJALPI I KIKIRIKËVE

Vetëm disa lugë me gjalpë nga kikirikët ofrojnë sasi të madhe me proteina. Ky gjalpë është burim i mirë për yndyrat e ngopura dhe fibra. Është po ashtu i pasur me vitaminat E, B3 dhe B6, magnez, mangan, hekur, zink dhe folate. Vetëm dy lugë me gjalpë nga kikirikët ofrojnë 8 gramë me proteina. Nëse e merrni në sasi të kufizuara dhe nuk e teproni, mundet ta ndihmojë në uljen e kolesterolit, redukton rrezikun për diabet, tipi 2 dhe ndihmon në kujdesin ndaj peshës.

(Kosova Sot Online)