Kumaku, ilaç nga natyra

  • E.K /
  • 02 June 2021 - 09:35
Kumaku, ilaç nga natyra

Kumaku (lat. Calendula officinalis) përdoret për shërimin e shumë sëmundjeve. Kumaku përmban një sasi të madhe me flavonoide, falë të cilave lufton inflamacionet. Kumaku është përbërës i rëndësishëm për përzierjet e çajit, me të cilat hiqen dhimbjet në traktin digjestiv. Shëron plagët në lukth dhe në zorrën dymbëdhjetëgishtore, e normalizon punën e mëlçisë dhe sekretimin e vrerit. Falë efektit të saj kundër inflamacioneve, kjo bimë e qetëson infeksionin në zorrën e trashë.

Prania e taninës e arsyeton përdorimin e saj për shërimin e diarresë. Kumaku ndikon mirë edhe në lëkurën, përdoret kundër të djegurave nga dielli, plagëve. Pasi që është e pasur me provitamina A, ndihmon edhe te psoriaza.

ÇAJI NGA KUMAKU

Përgatitja:

Një lugë të vogël të çajit të gjethes së kumakut e përzieni me 250 ml ujë të vluar. Më pas enën e buloni dhe e lini që të pushojë për së paku dhjetë minuta. Më pas e kulloni dhe pini nga dy gota çaj në ditë, dhe atë ngadalë, gllënjkë për gllënjkë. Çajin nga kumaku ta pini për dhjetë ditë rresht, bëni pauzë së paku dhjetë ditë.

(Kosova Sot Online)