Thoni ‘lamtumirë’ shtypjes së lartë të gjakut dhe mëlçisë së yndyrshme

Për asnjë lloj të ushqimit nuk mund të thuhet se është i shëndetshëm apo i dëmshëm, sepse secili ushqim, nëse është pjesë e ushqimit të ekuilibruar, ndikon mirë në organizmin e njeriut.Mirëpo, disa ushqime janë të pasura me përbërës ushqyes, që janë të nevojshëm për organizmin tonë.Nëse për disa ushqime mund të thuhet se janë të shëndetshme, atëherë këto janë ato.

LIMONI

Limoni është një nga burimet kryesore për vitamina C, për të cilin dihet se është edhe antioksidues i fortë. Për limonin konsiderohet se ndikon si antibiotik, shkaku i përbërjes së tij.

Lexoni edhe:

Gishtërinjtë zbulojnë atë që ju mungon: parandaloni sëmundjet me kohë!

BROKOLI

Ka pak kalori, e është burim i hatashëm për antioskdiues, si dhe përmban fitonutriente, që ndikojnë kundër kancerit. Brokoli është burim për vitamina C, folate, vitamina A, vitamina B6, kalcium, hekur dhe kalium.

ARRAT

Arrat janë burim për bakër dhe mangan, që ndikojnë si antioksidues dhe përmbajnë acid elagjik, që e lufton kancerin. Studimet kanë treguar se arrat ndikojnë në elasticitetin e enëve të gjakut, të cilët zgjerohen kur organizmi ka nevojë për qarkullim të shtuar të gjakut.

MOLLËT

Mollët përmbajnë pektinë, që dhuron ndjenjën e ngopjes, acid tanik, që pamundëson grumbullimin e yndyrave në mëlçi, bioflavonoide, që forcojnë efektin e vitaminave C, si dhe substanca tjera që parandalojnë osteoporozën.

SPINAQI

Është i pasur me fitonutriente dhe karotenoide, si luteina, e cila siguron mbrojtje më të madhe antioksiduese për strukturën e qelizave. Është burim i mirë për vitamina C dhe A, acid folik, magnez dhe kalium, duke ndikuar pozitivisht në sistemin kardiovaskular dhe rregullimin e shtypjes së gjakut.

FASULJA

Fasulja, pothuajse të gjitha llojet e saj, janë të pasura me acid folik, e krahas kësaj furnizojnë edhe me një sasi të madhe me vitamina dhe minerale, hekur, kalium dhe magnez. Kanë edhe efekt laksativ.

HUDHRA

Është antioksidues i fortë, e përmban shumë substanca që ndikojnë kundër viruseve dhe inflamacioneve. Mbron nga sulmi në tru, e përmban edhe vitamina C dhe B6, magnez, kalium, kalcium dhe flavonoide. Njihet për uljen e shtypjes së lartë të gjakut, e nëse keni shtypje të ulët, duhet ta shmangni.

BORONICAT

Boronicat janë të pasura me pektinë, sikurse edhe mollët, të ndihmon në uljen e sasisë së kolesterolit, pastaj janë burim i hatashëm për vitamina C, kalium, kalcium dhe fosfor. Ofrojnë mbrojtje të fortë antioksiduese për qelizat, të cilat rrezikohen nga efekti i radikalëve të lirë.

(Kosova Sot Online)