Lexoni edhe:
Lumja feston ditëlindjen e rrethuar nga familjarët e saj të dashur
Ja edhe për çka mund ta përdorim hudhrën
Në kuzhinë është e pazëvendësueshme, por hudhra është edhe e dobishme për shëndet. Ja disa dobi të saj, që janë zbuluar tash vonë. Hudhra kundër puçrrave. - Hudhra e imtësuar shtohet në maska dhe losionë për fytyrë. Por, mënyra më efikase e largimit të puçrrave me hudhër, është duke i fërkuar atë me lëng hudhre. Shërimi i infeksioneve me kërpudha në këmbë. - Hudhra është e dobishme edhe kundër infektimeve me kërpudha mikroskopike.
Është e njohur banja për këmbë, ku në legenin me ujë shtoni 10 thelpinj hudhre. Por, hudhrën mundeni edhe ta shtypni, ta përzieni me vaj ulliri dhe me të t'i lyeni pjesët e këmbëve, të infektuara nga kërpudhat. Ilaç kundër dhembjes së dhëmbit. - Vendoseni një thelb të vogël të hudhrës midis nofullave dhe pjesës së brendshme të faqes, afër dhëmbit që ju dhemb. Dhembja largohet shpejt. Kundër viruseve dhe ftohjes.
- Në mjekësinë kineze hudhra përdoret për një freskim të përgjithshëm të organizmit. E marrin një thelb hudhre në gojë dhe e lëpijnë si bonbone. Përpos kësaj, është parë se hudhra e pastron gjakun, e stimulon apetitin, mbron nga gripi, e forcon imunitetin, është e dobishme te anemia, te bronkiti kronik, etj.
(Kosova Sot Online)
