6 lloje të çajit, që shërojnë sëmundje të caktuara

  • E.K /
  • 30 October 2021 - 11:36
6 lloje të çajit, që shërojnë sëmundje të caktuara

Llojet e ndryshme të çajit në mënyrë të dobishme ndikojnë në shëndetin tonë, kështu hibiskusi lufton shtypjen e lartë të gjakut e çaji nga hithrat - alergjitë.

ÇAJI I BARDHË PËRSHPEJTON METABOLIZMIN

Çaji i bardhë është i pasur me antioksidues, polifenole që përmirësojnë pastrimin e mëlçisë prej helmeve. Ky lloj i çajit përshpejton punën e metabolizmit dhe ndikon të humbni në peshë. Po ashtu përmban edhe antioksiduesin "ECGC", i cili parandalon formimin e qelizave të reja dhjamore.

ÇAJI I ZI RUAN SHËNDETIN E MUSHKËRIVE

Pos se konsiderohet si një luftëtar i fortë kundër aromës së keqe nga goja, çaji i zi e ruan edhe shëndetin e mushkërive. Pikërisht për këtë arsye më së shumti edhe u sugjerohet atyre që e konsumojnë duhanin. Po ashtu ndihmon në rregullimin e sheqerit në gjak duke kontribuar edhe në uljen e rrezikut për grumbullim të dhjamit në bel.

ÇAJI NGA HITHRAT KUNDËR ALERGJIVE

Ky çaj ndihmon në pastrimin e gjakut nga helmet dhe përmirëson punën e mëlçisë. Përdoret edhe në shërimin e sëmundjeve të lëkurës, por edhe në zbutjen e alergjive pranverore. Ndikon kundër astmës dhe zbut simptomat e alergjive e po ashtu edhe kollën, sekretimin nga hunda dhe skuqjet dhe të kruarat e syve.

ÇAJI NGA HIBISKUSI UL SHTYPJEN E GJAKUT

Ky çaj lufton shtypjen e lartë të gjakut. Studimet kanë vërtetuar se konsumimi i rregullt i çajit, dy deri tri gota në ditë, ulë shtypjen e gjakut, dhe se ndikon njëjtë sikurse edhe ilaçet. Pos kësaj, çaji nga hibiskusi mbron trupin nga radikalet e lira, diabeti dhe problemet e zemrës.

ÇAJI I GJELBËR MBRON NGA DEMENCA

Çaji i gjelbër, ngjashëm sikurse edhe çaji i bardhë përshpejton shkrirjen e dhjamit, përshpejton punën e metabolizmit dhe përmirëson punën e mëlçisë. Ky çaj rregullon nivelin e sheqerit në gjak duke krijuar ndjenjën e të qenit ngopur, por edhe e ul kolesterolin. Pos kësaj, substancat aktive të tij, polifenolet, kujdesen për qelizat e trurit. Sugjerohet ta pini çdo ditë se parandalon demencën dhe Alzheimer-in.

ÇAJI NGA XHENXHEFILI KUNDËR DHIMBJEVE TË KOKËS DHE MUNDIMEVE

Pos se zbut problemin me proceset e inflamacioneve në trup, çaji nga xhenxhefili rregullon edhe oreksin dhe ndikon në pakësimin e fryrjeve në stomak. Pikërisht për këtë shkak sugjerohet te mundimet dhe dhimbjet gjatë ciklit menstrual. Është zgjidhje ideale kundër dhimbjes së kokës.

(Kosova Sot Online)