Lexoni edhe:
Hapja e dosjeve të UDB-së dhe të KOS-it serb do të largonte figurat e kriminalizuara të politikanëve mafioz e të instaluar deri edhe në majat e institucioneve të shtetit!
Pacientët me tumor të trurit tregojnë se cilat simptoma ata i injoruan para sëmundjes
Në një studim të ri, pacientët me tumore të trurit zbuluan disa simptoma më pak të njohura të sëmundjes së tyre që fillimisht nuk i perceptuan si të rrezikshme.
Studimi u krye nga mjekia Susan Scott nga Kolegji mbretëror në Londër dhe përfshiu 39 pacientë, të cilët përshkruan simptomat që ata kishin dhe si reaguan ndaj tyre.
Shumë pranuan se nuk u kushtuan vëmendje simptomave të tilla si përqendrimi i dobët, dhimbje koke, mungesë interesi për aktivitete normale që lidhen me punën, marrëdhëniet familjare apo hobi, dhe gjithashtu vunë re disa simptoma fizike.
Vështirësitë fizike
– Duke pirë çaj, vura re se duart po më dridheshin, por kurrë nuk e mendoja se mund të kishte ndonjë kuptim, tha një grua e moshës 61-vjeç.
– Lava enët dhe kuptova që po anoja në njërën anë shumë ngadalë. Nuk më shkoi mendja të shkoja te mjeku për këtë”, tha një tjetër i moshuar.
Lodhja
Disa pranuan se nuk donin të shkonin te mjeku, pasi që mendonin se do të ishte qesharake dhe thjesht ia atribuan disa simptoma moshës së tyre.
– Fillova të ndjeja nevojën për të marrë një sy gjumë pasdite, por arrita në përfundimin se kjo ishte sepse isha në të pesëdhjetat, tha një grua 50-vjeçe.
Ndryshimet në të folur dhe sjellje
Të tjerë i konsideruan simptomat e tyre si vetëm vështirësi të lehta, veçanërisht nëse ato shfaqen shkurtimisht.
– E kuptova që po flisja paksa në mënyrë të pakuptueshme, por do të kalonte më pak se një minutë dhe më pas do të zhdukej, tha një grua 41-vjeç.
Disa deklaruan gjithashtu se lodhjen ia atribuonin thjesht punës, në mënyrë që të mos donin “të humbnin kohën te mjeku” ose kishin frikë se do të konsideroheshin hipokondriakë.
Simptomat më të shpeshta
Tumoret e trurit ndryshojnë në varësi të asaj se sa shpejt rriten, si dhe në cilën pjesë të trurit ndodhen, dhe në varësi të kësaj, simptomat mund të ndryshojnë, sipas faqes zyrtare të Shërbimit Kombëtar të Shëndetit Britanik (NHS).
(Kosova Sot Online)
