Lexoni edhe:
Zhurmat e stomakut nuk ju lënë të qetë? Ja 12 masa që mund të merrni për t’i parandaluar ato
Një bimë shumëvjeçare me gjatësi deri në 40 cm, që në latinisht quhet Alchemilla Vulgaris, e që në popull njihet në disa vise me emrin e thjeshtë "bima e malit", është efikase për shërimin e plagëve, për "sëmundjet e grave" dhe te të gjitha llojet e gjakderdhjeve. Meqë përmban taninë, kjo bimë tkurrë indet, prandaj është efikase kundër çdo lloji të gjakderdhjeve, duke përfshirë edhe gjakderdhjet menstruale. Alchemilla Vulgaris është efikase edhe te temperaturat e larta, te problemet me lukth dhe te problemet e zorrëve.
Përdoret edhe kundër vështirësive me veshka dhe me fshikë të urinës. Duke qenë se e forcon imunitetin, Alchemilla është e dobishme për tërë organizmin, sidomos te personat me anemi. Sa i përket përdorimit të jashtëm, kjo bimë është efikase kundër sëmundjeve të ndryshme të lëkurës, te plagët e qelbëzuara, te thati i lëkurës, etj. Alchemilla përdoret edhe për shpëlarjen e gojës dhe për humbjen e kileve të tepërta.
(Kosova Sot Online)