“Super-imuniteti” nga Covid-19, si ndikon vaksina në mbrojtjen nga virusi

Një studim i ri zbulon se ata që infektohen me COVID-19 pasi janë vaksinuar plotësisht, mund të fitojnë ‘super imunitet’ nga një infeksion tjetër.

Studimi i vogël krahasoi 26 persona të stafit të vaksinuar në Universitetin e Shëndetit dhe Shkencës në Oregon, të cilët kishin infeksione të reja me njerëzit që ishin vaksinuar, por nuk e patën kurrë koronavirusin.

Grupi i studimit pa një rritje të antitrupave.

“Rritjet ishin thelbësore, deri në një rritje prej 1,000 përqind dhe ndonjëherë deri në 2,000 përqind, kështu që është vërtet imunitet i lartë,” tha autori i studimit Fikadu Tafesse, një profesor i mikrobiologjisë molekulare dhe imunologjisë në OHSU në Portland, Oregon.
“Është pothuajse “super imunitet”.

Rastet e Omicron, që mendohet të jenë më infektive se variantet e tjera – pothuajse u dyfishuan nga e premtja në të shtunën, me variantin e konfirmuar në të gjitha shtetet, përveç gjashtë shteteve të SHBA.

Ndërkohë, një studim i Universitetit të Kolumbiasë zbuloi se pacientët që iu dhanë një injeksion përforcues të Pfizer ose Moderna kishin 6.5 herë më pak antitrupa për Omicron sesa virusi origjinal – që do të thotë se vetëm përforcuesit mund të mos jenë aq mbrojtës.

Studime të ndryshme tregojnë se infektimi dhe marrja e një doze të një vaksine COVID është shumë efektive kundër COVID, por ky është një nga të paktët që konsideron skenarin e kundërt. Megjithatë, infektimi me Covid nuk është i rekomandueshëm, të paktën nëse mund të shmanget.

(Kosova Sot Online)