Ka 5 arsye pse dieta nuk po funksionon për ty!

  • E.K /
  • 19 January 2022 - 08:27
Ka 5 arsye pse dieta nuk po funksionon për ty!

Në shumë raste, dietat nuk janë efektive për t’i ndihmuar njerëzit të humbin peshë, ndaj studiuesit kanë hulumtuar dhe argumentuan se dieta në fakt çon në shtim të peshës. Ekspertët thonë se dietat shërbejnë për të arritur sukses afatshkurtër dhe nuk fokusohen në ndryshimin e zakoneve të këqija të ushqyerjes. Ata zbulojnë se ka 5 arsye kryesore pse dieta nuk po funksionon për ju.

Shumica e dietave dështojnë

Studiuesit vlerësuan se 95% e të gjitha dietave dështojnë për një sërë arsyesh. Së pari, ato inkurajojnë njerëzit të heqin dorë nga gjithçka, në mënyrë të menjëhershme. Kjo është problematike, pasi varësitë nuk kurohen brenda natës.

Dieta mund të çojë në çrregullime në të ngrënë

Për shkak se kultura jonë ka vendosur standarde bukurie, shumë njerëz kërkojnë të humbasin peshë shpejt. Një dietë nuk promovon të ushqyerit në një mënyrë që balancon urinë, kënaqësinë dhe ngopjen, mund të shkaktojë një sjellje që injoron sinjalet e trupit dhe krijon çrregullime në të ngrënë.

Dietat nuk marrin parasysh trupat e ndryshëm

Edhe pse dy njerëz mund të ndjekin të njëjtën dietë, rezultatet e tyre mund të ndryshojnë shumë. Dieta të caktuara mund të përkeqësojnë më tej disa probleme shëndetësore individuale.

Dieta e vë fokusin te ushqimi dhe asgjë tjetër

Edhe pse ajo që hamë ka ndikim tek pesha, dietat anashkalojnë edhe faktorë të tjerë si stërvitja, gjumi cilësor dhe shëndeti mendor. Këto faktorë janë shumë të rëndësishëm për mirëqenien tuaj të përgjithshme dhe ndikojnë në peshën tuaj.

Dietat mund t’ju izolojnë nga shoqëria

Ndonjëherë kur ndiqni një dietë është tepër e vështirë të hani një vakt me miqtë. Sepse mund t’ju duhet të tërhiqni mënjanë kamerierin për të shpjeguar se çfarë mund të hani dhe çfarë jo. Shumë njerëz priren të izolohen, nga frika se miqtë e tyre do t’i gjykojnë ose do të mërziten me kufizimet e tyre.

(Kosova Sot Online)