Si të pastroni veshët në mënyrë të shëndetshme

Pastrimi i veshëve nga dylli i bezdisshëm është një zakon rutinë, i cili në shumicën e rasteve bëhet me përdorimin e një shtupë pambuku. Megjithatë, ekspertët paralajmërojnë se nëse heqja e qelizës, siç quhet shkencërisht ‘qiriri’, nuk bëhet siç duhet, mund të shkaktojë dëme të pariparueshme në dëgjim.

Çfarë është dylli në veshë

Shkencërisht quhet qelizë dhe krijohet vazhdimisht nga gjëndrat e lëkurës që ndodhen në kanalin e veshit.

Sado që duam ta heqim nga veshët, ‘qiriri’ ka një rol mbrojtës, pasi i mbron nga papastërtitë, pluhuri dhe papastërtitë e tjera.

Në rast se kanë vërtet nevojë për pastrim, i vetmi i përshtatshëm është mjeku otolaringolog.

Siç theksojnë anëtarët e Shoqatës Panhelene të Otolaringologjisë, tek shumica e njerëzve veshët janë të vetëpastruar, pasi ‘qiriri’ ka një tendencë natyrale për të dalë jashtë. Atëherë dhe vetëm atëherë duhet të ndërhyjmë duke e hequr me një peshqir, ose pambuk.

Në këtë pikë shkencëtarët janë kategorik duke theksuar se nuk duhet të pastrojmë kurrë thellë veshët duke përdorur tamponët e njohur , pasi kjo mund të dëmtojë rëndë daullen e veshit.

Shenjat e dyshimta që japin alarmin se diçka nuk shkon dhe veshët kanë nevojë për pastrim të menjëhershëm janë:

Humbja e dëgjimit

Ndjenja se veshi është i bllokuar

Dhimbje dhe gumëzhima intensive

Kur të shkoni te mjeku

Kur veshët prodhojnë shumë dyll duhet të konsultohemi me një specialist të paktën një herë në vit. Metodat më të zakonshme të pastrimit të ndjekura nga ekspertët janë:

Heqja e ‘qiririt’ me një mjet të veçantë

Thithja

Shpëlarje, ku mjeku derdh ujë të vakët në vesh për të nxjerrë dyllin

Nëse problemi vazhdon, mjeku kurues mund të rekomandojë pika speciale, të cilat ndihmojnë në lëngëzimin dhe rrjedhimisht heqjen e dyllit.

(Kosova Sot Online)