Ja çfarë hanë ata që jetojnë më gjatë

Shkencëtarët, në kërkimin e tyre për “dietën e jetëgjatësisë”, duket se kanë gjetur një port përmes një udhëtimi të gjatë me destinacione të ndryshme: nga përbërja e ushqimit dhe e marrjes së kalorive deri te kohëzgjatja dhe shpeshtësia e periudhave të agjërimit.

Kjo punë sfiduese ndaj një morie shtyllash bazuar në mbi një shekull kërkime u zhvillua nga shkencëtarët në Universitetin e Wisconsin dhe u botua në Cell.

Pra, çfarë përfshin pjata e përditshme e jetëgjatësisë? 

"Shumë bishtajore, drithëra dhe perime,  peshk, pa mish të kuq apo të përpunuar dhe mish të bardhë shumë pak, pak sheqer dhe drithëra të përpunuara, arra dhe vaj ulliri, por edhe pak çokollatë të zezë ," është shprehur dr. Valter Longo i, Universitetir të Wisconsin.

Në veçanti, shtyllat kryesore të një diete të shëndetshme që mund të zgjasë jetëgjatësinë janë marrja e moderuar  e karbohidrateve nga burime të papërpunuara, marrja e ulët por e mjaftueshme e proteinave nga burime kryesisht bimore dhe yndyrna të mjaftueshme bimore për të marrë të paktën 30% të nevojave për energji.

Ekipi hulumtues, i udhëhequr nga Rozalyn Anderson dhe Valter Longo, shqyrtoi qindra studime mbi të ushqyerit, sëmundjet dhe jetëgjatësinë tek kafshët dhe njerëzit dhe i kombinoi ato me studimet e tyre mbi lëndët ushqyese dhe plakjen. 

Studimi përfshiu gjithashtu studime mbi dietat popullore, të tilla si dieta ketogjenike me yndyrë të ulët, me pak karbohidrate , dieta e kufizuar me kalori, dietat vegjetariane dhe vegane dhe dieta mesdhetare .

Ato përfshinin gjithashtu elementë që lidhen me lloje të ndryshme të agjërimit (abstenim nga ushqimi) si dietat afatshkurtra që imitojnë përgjigjen e trupit të agjërimit, agjërimin me ndërprerje (të shpeshtë dhe afatshkurtër) dhe agjërimin periodik (dy ose më shumë ditë agjërim) ose dietat që imitojnë agjërimin më shumë se dy herë në muaj). 

Së fundi, ata lidhën të dhëna nga studimet epidemiologjike për të identifikuar faktorët që përcaktojnë jetëgjatësinë si tek njerëzit ashtu edhe tek kafshët, si nivelet e insulinës, proteina C-reaktive dhe kolesteroli.

Sa përfiton nga agjërimi? 

Për sa i përket kohës së vaktit, në mënyrë ideale ne duhet të konsumojmë vakte brenda 11-12 orëve , duke lejuar kështu një periudhë agjërimi ditore, dhe një cikël agjërimi pesëditor ose dietë që imiton agjërimin çdo 3-4 muaj.

 Këto taktika mund të zvogëlojnë rezistencën ndaj insulinës, të rregullojnë presionin e gjakut dhe faktorë të tjerë rreziku që lidhen me sëmundjet.

Ngjashmëritë e pjatës së jetëgjatësisë me dietën mesdhetare janë të dukshme.

 Megjithatë, siç thotë Dr. Valter Longo, dieta e jetëgjatësisë duhet të rregullohet sipas moshës dhe karakteristikave të çdo individi.

 Për shembull, njerëzit mbi 65 vjeç mund të kenë nevojë të rrisin marrjen e proteinave për të trajtuar dobësinë dhe sarkopeninë.

(Kosova Sot Online)