Lexoni edhe:
Protesta për tërheqjen e 30 përqindëshit nga Trusti, flet Bekim Haxhiu i PDK’së
Pishinat e ndotura mund të përhapin bakterin E.Coli, paralajmërojnë ekspertët
Derisa moti ngrohet dhe familjet shkojnë në pishina, uji i ndotur mund të zbehë argëtimin.
Në qershor të 2021-tës, më shumë se një duzinë fëmijësh, në një pishinë të komunitetit të Pensilvanisë, u sëmurën rëndë nga dy lloje bakteresh, E. Coli dhe C. Difficile.
“Këta janë patogjenë që mund të shkaktojnë shqetësime mjaft domethënëse gastrointestinale në të gjitha moshat, por veçanërisht te fëmijët”, tha studiuesja Molly Nace, një bashkëpunëtore e kërkimit epidemiologjik në Departamentin e Shëndetit të Pensilvanisë në Greensburg.
“Disa nga fëmijët që rezultuan pozitivë për E. Coli rezultuan pozitivë edhe për C. Difficile,” tha Nace.
Fëmijët u sëmurën pasi gëlltitën ujin e pishinës, tha ajo.
Këto baktere zakonisht e gjejnë rrugën e tyre në ujin e pishinës sepse dikush noton ndërsa ka diarre, tha Nace. Bakteret gjithashtu mund të futen në ujë nga një burim tjetër kontaminimi, dhe nganjëherë burimet lokale të ujit mund të kenë E. Coli, shtoi ajo.
Në këtë shpërthim u sëmurën 15 fëmijë. Trembëdhjetë prej tyre kishin nevojë për kujdes mjekësor dhe gjashtë u shtruan në spital për diarre të rëndë dhe inflamacion të zorrës së trashë. Për fat të mirë, asnjë nuk zhvilloi sindromën hemolitike uremike, e cila mund të shkaktojë dështim të veshkave.
Raporti u publikua në Raportin Javor të Sëmundshmërisë dhe Vdekshmërisë të Qendrave të ShBA-së për Kontrollin dhe Parandalimin e Sëmundjeve.
Normalisht, klori vret E. Coli dhe C. Cifficile, megjithatë, klorinatori automatik në pishinë u prish, gjë që lejoi që bakteret të lulëzojnë. Sipas të dhënave, në një moment, nuk u zbulua klor në pishinë, vunë në dukje studiuesit.
Nace tha se mënyra më e mirë për të shmangur futjen e baktereve të dëmshme në pishina është të shmangni notin nëse keni diarre. Njerëzit gjithashtu duhet të lajnë duart para dhe pas notit.
Nace ndau disa këshilla që duhet ndjekur derisa futeni në pishinë:
Mos notoni ose mos lejoni të tjerët të notojnë nëse jeni të sëmurë me diarre.
Bëni dush për të paktën 1 minutë përpara se të futeni në ujë për të hequr papastërtitë ose çdo gjë tjetër në trupin tuaj.
Mos e gëlltit ujin.
Mos urinoni dhe mos bëni jashtëqitje në ujë.
Merrni fëmijët në pushime në banjë dhe kontrolloni pelenat çdo orë.
Ndërroni pelenat larg buzë pishinës për të parandaluar që mikrobet të futen në ujë.
Thajini mirë veshët me një peshqir pas notit.
(Kosova Sot Online)
