Lexoni edhe:
Fatjeta Barbullushi: Standarti aktual në muzikën shqipe është produkt dhe jo art i mirfilltë
Çfarë ndodh kur konsumoni shumë salsiçe, suxhuk dhe proshutë?
Mishrat e përpunuar, si salsiçet, suxhuku ose proshuta kanë shumë kalori, yndyrë dhe kripë. Me konsumim të rregullt (disa herë në javë) e rrezikoni veten nga mbipesha, diabeti, sëmundjet e zemrës dhe kanceri.
1. TRASHJA
Mishrat e përpunuar janë të mbushur me kripë, kalori dhe yndyrë, kripa e tepërt në organizëm sjell deri te mbajtja e ujit dhe fryrja e lukthit. Edhe më shumë kripë dhe yndyrë do të konsumoni nëse i hani në sandviç me shumë djathë, majonezë dhe shtesa të ngjashme që shtojnë peshën.
2. SËMUNDJET E ZEMRËS
Me konsumim të salsiçes dhe ndonjë mishi tjetër të përpunuar konsumoni tri herë më shumë kripë sesa kur e hani një sandviç me mish të zier të pulës. Kripa e tepërt dobëson enët e gjakut, e një gjë e tillë sjell deri te sëmundjet e zemrës.
3. DIABETI
Një studim i bërë para pak kohësh në Harvard ka zbuluar që vetëm një porcion i mishit të përpunuar (dy feta proshute ose një salsiçe) e rrit rrezikun nga diabeti për 29 për qind.
4. KANCERI
Një studim i bërë në Havai ka zbuluar që njerëzit që konsumojnë shumë mishra të përpunuara janë për 67 për qind më të rrezikuar nga kanceri i prostatës, transmeton gazeta “Kosova Sot Online”, në krahasim me ata që e konsumojnë rrallë. Këshillë e përgjithshme e ekspertëve është që mishrat e përpunuara të mos konsumohen më shumë se një herë në javë.
(Kosova Sot Online)
