![Pas të 30-ve më lehtë shtoni peshë, ja pse](/uploads/kosova-sot/images/2024/July/26/200x200_Weight-gain-is-another-sign-of-teenage-pregnancy.jpg1722023077.webp)
Akupunktura, përpos dhembjes, largon edhe depresionin
![Akupunktura, përpos dhembjes, largon edhe depresionin](/uploads/kosova-sot/images/2023/May/06/auto_Fotolia_54812606_Subscription_akupunktura6400001683358551.jpg)
Një studim i ri thotë se akupunktura mund ta zvogëlojë stresin, dhembjen dhe depresionin. Një studim i ri amerikan tani përmendet si dëshmia më e fortë rreth dobisë së akupunkturës. Autori i studimit, Ladan Eshkevari, nga Universiteti "Georgetown" në Uashington, thotë se dëshmitë e akupunkturës kanë qenë të njohura edhe më parë për ata që e kanë praktikuar atë, por nga mjekësia zyrtare nuk janë marrë me seriozitet.
Ai ka shtuar se studimi i ri paraqet kulminacion të shumë studimeve të mëparshme dhe demonstron sesi akupunktura vepron me të vërtetë. Deri më tani, kritikët e akupunkturës thoshin se të gjitha përfitimet eventuale që mund t'i sjellë ajo, kanë të bëjnë me efektin placebo, respektivisht pacienti i përjeton ato vetëm për shkak të bindjes se një procedurë e tillë do t'i bëjë mirë. Por, studimi i udhëhequr nga Dr. Eshkevari dobitë e akupunkturës i ka demonstruar te minjtë laboratorikë, te të cilët përjashtohet efekti placebo.
(Kosova Sot Online)