Disa nga shenjat që tregojnë se po e ekzagjeroni me kripën

Të gjithë e dimë që kripa nuk është shumë e mirë për shëndetin, sigurisht kur konsumohet në mënyrë të ekzagjëruar. E për të kuptuar nëse jeni duke e tepruar me kripën, ka disa shenja që jua jep trupi juaj. Për këtë më poshtë ne po rendisim 4 shenjat kryesore që do duhet t’ju ndihmojnë të reflektoni.

Dhimbje koke

Kur konsumojmë sasi të tepërta kripe, dehidratohemi, duke krijuar kështu kushte të favorshme për shfaqjen e një dhimbjeje koke. Këto dhimbje koke priren të ndodhin brenda një ose dy ore pas ngrënies, pasi nivelet e natriumit rriten. Në çdo rast, sigurohuni që të pini shumë ujë çdo ditë.

Lexoni edhe:

Shkurte Fejza: Jam e lumtur që kam këtë publik të mrekullueshëm

 

Gjymtyrët e fryra

E njohur edhe si edemë, ënjtja e gishtërinjve, kyçeve ose këmbëve mund të jetë një reagim i vonuar ndaj një rritjeje të papritur të natriumit. Konsumimi i tepërt i kripës çon në mbajtjen e lëngjeve, duke rritur rrezikun e mosfunksionimit të veshkave dhe rritjen e vlerave të presionit të gjakut. Edhe pse nuk shfaqet menjëherë pas ngrënies, mund të ketë ndonjë lidhje nëse shfaqet në zona specifike të trupit brenda 24 orëve të ardhshme pas ngrënies së ushqimeve të kripura. Ënjtja bëhet më e dukshme kur jeni ulur ose kur udhëtoni në destinacione të largëta. Megjithatë, nëse vazhdon për më gjatë, do të ishte mirë të kërkoni këshilla mjekësore.

Presion në rritje

Kripa konsiderohet të jetë një nga fajtorët kryesorë pas rritjes së vlerave të presionit të gjakut. Duhen vetëm 30 minuta derisa konsumimi i tepërt i kripës të ndikojë në enët e gjakut. Nëse keni simptoma të tilla si shikimi i paqartë, dhimbje gjoksi, rrahje të shpejta të zemrës, gulçim ose gjakderdhje të papritur nga hundët pas ngrënies, kjo mund të nënkuptojë se keni presion të lartë të gjakut.

Urinim i shpeshtë

Etja e tepërt shihet si një reagim i zakonshëm ndaj ngrënies së ushqimeve të kripura që çon në marrjen e tepërt të lëngjeve dhe frekuencën fatale të urinimit. Në këtë mënyrë, trupi kërkon të largojë kripën e tepërt.

(Kosova Sot Online)