![Pas të 30-ve më lehtë shtoni peshë, ja pse](/uploads/kosova-sot/images/2024/July/26/200x200_Weight-gain-is-another-sign-of-teenage-pregnancy.jpg1722023077.webp)
Kërkoni ilaç për sytë e lodhur: Shpëtimi është në kuzhinë!
![Kërkoni ilaç për sytë e lodhur: Shpëtimi është në kuzhinë!](/uploads/kosova-sot/images/2023/September/29/auto_auto_syte-800x45016214229721695984092.jpg)
Jeta me stres mundet të lërë gjurmë në sytë tuaj. Kur kemi shumë probleme ose jemi tepër të lodhur, ngarkojmë jo vetëm shpirtin dhe trupin, por edhe sytë.
RRISKAT E TRANGULLIT
Ndihma natyrale fshihet në kuzhinë. Trangujt janë perime e njohur për sytë e lodhur. Rriskat e ftohura të trangullit aplikojini në sy për çdo mëngjes. Kështu i freskoni sytë dhe pakësoni ënjtjet e tyre. Përdoreni porsa ta preni dhe e lini në sy për 20 minuta.
QESKAT E ÇAJIT
Tanina në çaj bën mrekullinë, sepse shtrëngon dhe forcon lëkurën. Për këtë tretman mund të përdorni cilindo çaj, por sugjerohet çaji i gjelbër. Çaji nuk vlohet, por vetëm mbahet në ujë të ftohtë për disa minuta. Pasi ta keni shtrydhur ujin tepricë, aplikojeni qesen në sy dhe e mbani për 10- 15 minuta.
LUGA E FTOHTË
Krejt çfarë është e ftohtë apo e ngrirë ju ndihmon syve të lodhur. Madje edhe një lugë e ftohtë jep rezultate pozitive për sytë tuaj. Nëse dëshironi ta provoni, gjatë natës i mbani dy lugë në ngrirës, pasi të jeni zgjuar i aplikoni në sy dhe i mbani derisa të ngrohen.
(Kosova Sot Online)