![Pas të 30-ve më lehtë shtoni peshë, ja pse](/uploads/kosova-sot/images/2024/July/26/200x200_Weight-gain-is-another-sign-of-teenage-pregnancy.jpg1722023077.webp)
Vetitë shëruese të rrënjës së xhenxhefilit
![Vetitë shëruese të rrënjës së xhenxhefilit](/uploads/kosova-sot/images/2023/October/06/auto_Perfitimet-Shendetesore-te-Xhenxhefilit-1024x7331696590876.jpg)
Xhenxhefili ndikon shumë mirë në organizmin e njeriut. Kjo është një bimë, të cilën gjithmonë duhet ta keni në shtëpi. Së pari është i dobishëm për gjellët e njelmëta dhe të ëmbla, e po ashtu se posedon përbërës të shumtë shërues. Aroma e rrënjës së tij ka aromë limoni, e shija është paksa pikante dhe e freskët e ëmbël. Mirëpo, xhenxhefili i freskët dhe ai i tharë dallojnë shumë, thuajse janë dy bimë të ndryshme. Rrënja e freskët përdoret për shtimin e djersitjes dhe largimin materieve toksike nga trupi. Rrënjët e thara përdoren për sëmundjet e barkut, diarrenë, reumatizmin, kollën etj.
Xhenxhefili përdoret kundër infeksioneve, për kompresa kundër ënjtjeve, kundër ngërçeve, për zvogëlimin e problemeve me eshtra dhe muskuj, si parandalim për ftohje dhe qetësimin e kollës, forcimin e sistemit imun, përmirëson qarkullimin e gjakut dhe parandalon shfaqjen e droçkave, por shihet edhe si ilaç kundër migrenës dhe gripit. Xhenxhefili përmirëson kujtesën, ndikon si afrodiziak i butë, zvogëlon të vjellat dhe mundimet në shtatzëni pa efekte të dëmshme anësore.
(Kosova Sot Online)