Lexoni edhe:
Ky është 'Obsesioni' i Alban Skenderajt
Ja pse patatet e ëmbla janë ndër ushqimet më të mira
Patatet e ëmbla, jo vetëm që janë të shijshme, por kanë edhe shumë përfitime shëndetësore për trupin. Është e pasur me vitamina, fibra dhe përbërës të tjerë të mirë, prandaj nuk është aspak çudi që po bëhet një nga llojet e preferuara të perimeve.
Për përfitimet e patateve të ëmbla janë kryer shumë studime dhe siç raporton portali Fitness & Poëer, këto janë gjashtë arsyet pse patatet e ëmbla janë një nga ushqimet më të mira për shëndetin tonë.
Të mira për tretje
Fibrat e tretshme në patatet e ëmbla kontribuojnë në funksionimin e mirë të sistemit të tretjes. Patatja e ëmbël lidhet me kolesterolin dhe acidet biliare në zorrët dhe parandalon rithithjen e tyre, duke reduktuar rrezikun e problemeve me tretjen. Përveç kësaj, fibra në patatet e ëmbla ndihmon në parandalimin e kapsllëkut dhe mund të ulë presionin e gjakut duke përmirësuar elasticitetin e enëve të gjakut.
Mbështetja e të pamurit
Patatet e ëmbla, veçanërisht atotë portokallta, janë plot me beta-karoten, një antioksidant i fuqishëm i nevojshëm për shikim të shëndetshëm. Beta-karoteni shndërrohet në vitaminë A, e cila luan një rol jetik në zhvillimin e receptorëve që ndjejnë dritën brenda syve. Gjithashtu, antocianinet në patatet e ëmbla mbrojnë gjithashtu qelizat e syrit nga dëmtimi.
Rregullimi i diabetit
Pavarësisht shijes së ëmbël, patatet e ëmbla mund të jenë të dobishme për njerëzit me diabet. Disa lloje të patateve të ëmbla përmbajnë komponime që ndihmojnë në rregullimin e niveleve të insulinës.
Përmirësimi kognitiv
Beta-karotina e pranishme në patatet e ëmbla mund të përmirësojë kujtesën dhe aftësinë e të mësuarit duke promovuar funksionin e duhur të trurit. Për më tepër, antocianinet në patatet e ëmbla ngjyrë vjollce shfaqin veti anti-inflamatore, duke mbrojtur potencialisht trurin nga dëmtimi i shkaktuar nga inflamacioni dhe radikalet e lira.
Mbrojtja kundër kancerit
Patatet e ëmbla supozohet se mund të ndihmojnë në luftimin e kancerit, raporton Fitness & Poëer. Anthocyanins që përmbajnë patatet e ëmbla kanë qenë të lidhura me pengimin e rritjes së qelizave kancerogjene në organe të ndryshme, duke përfshirë gjirin, fshikëzën, stomakun dhe zorrën e trashë, përcjell Index.hr.
Një studim zbuloi shkallë më të ulët të kancerit të zorrës së trashë në fazën e hershme te minjtë që ushqeheshin me një dietë të pasur me patate të ëmbla ngjyrë vjollce. Ekstraktet e lëvozhgës së patates së ëmbël gjithashtu shfaqin veti antikancerogjene, të cilat janë treguar në studimet e kafshëve dhe në epruveta, transmeton Klankosova.tv.
Rregullimi i peshës trupore
Patatet e ëmbla, falë fibrave të tyre, kontribuojnë në ngopjen, duke reduktuar gjasat për të ngrënë më vonë gjatë ditës. Përmbajtja e vitaminës C mbështet rregullimin e metabolizmit, duke ndihmuar potencialisht në djegien e kalorive. Hulumtimet nxjerrin në pah rolin e fibrave dietike në humbjen e peshës dhe aftësinë e saj për të ndihmuar individët t’i përmbahen planeve të tyre dietike.
(Kosova Sot Online)
