Lexoni edhe:
Vjollca Buqaj emocionon me këngën 'Malli për vendlindje'
Humbja e peshës nuk mjafton në luftën kundër diabetit
Diabeti i tipit 2 shpesh shfaqet së bashku me sëmundje të tjera të stilit të jetesës si presioni i lartë i gjakut dhe obeziteti, dhe për dekada me radhë mjekët u kanë thënë njerëzve me diabet të humbin peshë në përpjekje për të menaxhuar problemin e tyre.
Por humbja e peshës nuk është e mjaftueshme, thonë shkencëtarët dhe mjekët nga Universiteti Kinez i Hong Kongut, të cilët studiuan ndikimin e humbjes së peshës tek 37,000 pacientë me diabet.
Shumë pak pacientë të diagnostikuar me diabet të tipit 2 mund të arrijnë nivele normale të glukozës në gjak vetëm përmes humbjes së peshës, sipas ekipit.
Provat klinike në të kaluarën kanë sugjeruar që humbja e peshës mund të jetë e mjaftueshme vetë, por efektet nuk janë testuar siç duhet në realitet, sipas mjekëve të Hong Kongut, të cilët thonë se vetëm humbja e peshës është dëshmuar më pak efektive kur ndiqet jashtë provave klinike. .
Një arsye për devijimin nga provat klinike është se pjesëmarrësit marrin mbështetje të fortë për ndryshimet e stilit të jetesës, duke përfshirë ndryshimet në dietë, stërvitje dhe shëndet mendor gjatë provave, por jo në jetën e përditshme, shpjeguan studiuesit.
Rreth 400 milionë njerëz në mbarë botën vuajnë nga diabeti, një problem që ka qenë në rritje në dekadat e fundit pasi njerëzit ushtrojnë më pak dhe hanë më shumë ushqime të përpunuara.
(Kosova Sot Online)
